Trajneri i Real Madridit, Zinedine Zidane, ka thënë se nuk mërzitet për atë se çfarë shkruajnë mediet lidhur me të ardhmen e tij.

Reali e pret Osasunan të mërkurën në “Santiago Bernabeu”, në kuadër të La Ligës, kurse trajneri francez paralajmëron se synim e kanë fitoren.

“Kur humbim mua më shkarkojnë, kur fitojmë nuk më shkarkojnë. Kështu ka qenë gjithmonë dhe do të vazhdojë të jetë. E kemi lojën dhe çfarëdo që ndodh, ndodh. Duhet të luajmë mirë, me ritmin dhe dëshirën e njëjtë (si me Sevillën). Kjo më intereson mua”, ka thënë Zidane.