Borussia Dortmund është gati të lëvizë për Oleksandr Zinchenko, i cili pritet të largohet nga Arsenali në janar. “Verdhezinjtë” pëlqejnë shumë anësorin dhe janë të gatshëm të hyjnë në tratativa me klubin anglez, për të fituar shërbimet e tij.

28-vjeçari Zinchenko ka hyrë në 18 muajt e fundit të kontratës së tij dhe Arsenali do të marrë parasysh të gjitha ofertat që vijnë në drejtim të tij. Ai ka luajtur në këtë sezon 8 ndeshje, por nuk ka mundur dot të shndërrohet në protagonist. Kalimi te Dortmundi do të ishte një mundësi e mirë për të, për të treguar veten.