Zjarr
19 janar 2021
| 10:38
Adem GASHI
Zjarr
ka rënë ftohma ngrica acari
përreth e brenda nesh
mjegull tym krahnezë
është çasti të ndizet zjarri
çasti është diçka të ndezë
zjarr nuk bëhet vetëm me dru
të thata të njoma e shkarpa
digjet digjet dhe durimi fjala
mendimi dhe mishi me kokalla
zjarr
zjarr është urdhër – komanda
të mos na ngrijë dimri
të mos na verbojë nata
pastaj
para hirit na jep jetë
dhe prushi dhe drita dhe flaka
dhe si atij zogut mitologjik një ditë
edhe mund të na vijë Ringjallja
