Një zjarr i madh ka rënë natën e 23 shtatorit në një fabrikë bojërash, të ndodhur në autostradën Tiranë-Durrës, ku nga pamjet e para duket se flakët janë përhapur në mënyrë masive.

Në bazë të një njoftimi të autoriteteve, bëhet me dije se shërbimet e Policisë dhe forcat zjarrfikëse gjenden në vendngjarje dhe po punojnë për shuarjen e flakëve.

Por, nga ana tjetër, kërkohet nga qytetarët që të shmanget tërësisht kalimi në aksin që lidh dy qytetet kryesore të vendit, siç apelon Ministria e Brendshme.

Arsyet e zjarrit ende nuk janë bërë me dije, kur situata duket tejet kaotike në çastet e para të raportimit.