Fabrika e përpunimit të mishit“Meka-halal food” ka pësuar nga një zjarr që ka kapluar një pjesë të objektit të saj që gjendet në komunën e Dragashit.

Pronari i kësaj fabrike, Pirro Piraj postoi një video në “Facebook” ku shihen dëmet nga zjarri që sipas tij është shkaktuar nga problemet me rrymë.

“Për shkak te ndërprerjeve të rrymës, e që në vendin ku ndodhet fabrika jonë janë të shpeshta, ka ardhurderi tek ndezja e instalimit elektrik”, tha Piraj për “KALLXO.com”.

Ai ka deklaruar se probleme të ngjashme kanë pasur edhe në të kaluarën dhe sipas tij dëmet materiale janë të mëdha.

Megjithatë nga kompania përgjegjëse për shpërndarjen e rrymës KEDS, thonë se zjarri nuk ka qenë shkak i problemeve me rrymë të shkaktuara nga kjo kompani.

Viktor Buzhala, zëdhënës i KEDS-it, ka deklaruar se  ndërprerja e rrymës ishte paralajmëruar. “Largpërçuesi j Dragashit, prej nga furnizohet edhe konsumatori ne fjale sot ka qene ne shkyçje te planifikuar për mirëmbajtje preventive nga ora 09:00-13:00. Ndërsa, konsumatorit ne fjale i është djegur një kabllo e tij rreth orës 11:00. Por, ka qene duke u furnizuar nga gjeneratori i tij. KEDS i ka njoftuar te gjithë konsumatorët paraprakisht për këtë ndërprerje përmes mediave, ndërsa konsumatorin ne fjale e ka njoftuar edhe përmes komunikimit direkt. Pra, rasti ne fjale është intern dhe nuk ka te beje me KEDS”, ka deklaruar  Buzhala.

https://www.facebook.com/pirropiraj/videos/10217258208270371/?t=0