Një zjarr i madh ka shpërthyer në portin e Iskenderunit në Turqi pas tërmeteve të fuqishme të së hënës. Tërmeti ka shkaktuar mbi 5 mijë viktima në 10 provinca në Turqi si dhe në Siri.

Ndërkohë, si pasojë e tërmetit një zjarr i madh përfshiu kontejnerët në portin e Iskenderunit mbrëmjen e së hënës. Re të mëdha tymi kanë mbuluar zonën, ndërsa me dhjetëra zjarrfikës kanë luftuar me flakët deri në orët e para të së martës.

Dëmet e shkaktuara janë tejet të konsiderueshme pasi zjarri përfshiu me dhjetëra kontejnerë. /abcnews.al/