Një zjarr në bordin e një anije kërkimore të marinës ruse ka vrarë 14 anëtarë të ekuipazhit, ka thënë ministria ruse e Mbrojtjes.

Ajo thotë se anëtarët e ekuipazhit u helmuan nga tymi kur anija mori zjarr derisa po bënte matjet të territorit të ujërave ruse të hënën.

Anija ishte e bazuar në Severomorsk, në rajonin Murmansk, i cili është baza kryesore e Flotës Veriore ruse. Një hetim mbi incidentin ka filluar nën komandantin kryesor të flotës, shtoi ministria.

Një zhytëse është një anije nënujore e cila ndryshon nga një nëndetëse në atë që zakonisht kërkon një anije mbështetëse në sipërfaqe. Një nëndetëse është plotësisht autonome.

Nëndetësja Kursk, e cila u shkatërrua nga një shpërthim në Detin Barents në gusht të vitit 2000 me humbjen e ekuipazhit të saj të 118, gjithashtu i përkiste Flotës Veriore ruse.