Zonja e parë e Ukrainës, Olena Zelensky, është takuar të hënën me sekretarin e shtetit, Antony Blinken. Ajo filloi një seri paraqitjesh të profilit të lartë në Uashington, që do të përfshijë një takim me homologen e saj amerikane Jill Biden.

Flamuri blu e verdhë ukrainas u valëvit së bashku me atë amerikan në Pensilvania Avenue ndërsa Zelensky po shkonte për vizitën e saj të parë të paralajmëruar në Shtetet e Bashkuara, në takimin me Blinken, raporton “Associated Press”.

Departamenti i Shtetit njoftoi dhe më pas anuloi një paraqitje të shkurtër të planifikuar nga Blinken dhe Zelensky përpara fotografëve. Udhëtimi tregon se Zelensky nuk po udhëton si përfaqësuese zyrtare e qeverisë së bashkëshortit të saj, presidentit Volodymyr Zelensky.