Zvicra dhe Kosova do të ballafaqohen sot në kuadër të kualifikimeve për Kampionatin Evropian që do të mbahet në vitin e ardhshëm në Gjermani.

Tashmë tifozët shqiptarë kanë nisur të grumbullohen para stadiumit Sant Jakob Park, aty ku do të zhvillohet ndeshja.

Interesimi për këtë ndeshje është shumë i madh nga shqiptarët, shumë nga ta akoma janë duke kërkuar bileta, të cilat në tregun e zi kalojnë çmimin 100 franga.

“Po, kam bileta. Kushton 110 franga”, i tha RTKLive një shitëse bileta në tregun e zi. Madje, ka edhe bileta që çmimi i tyre shkon edhe me larg.

Ndeshja Zvicër-Kosovë fillon në orën 20:45.