Zyrtarisht mbi 2.2 milionë njerëz janë të infektuar me virusin “Korona” në botë. Sipas “Worldmeters”, aktualisht janë infektuar 2 251 817 njerëz, kanë vdekur 154 311 si dhe janë shëruar 574 398 persona.

Shtetet e Bashkuara të Amerikës prin me numrin e të infektuarve me 710 272, 37 175 viktima si dhe 63 510 të shëruar. Spanja zë vendin e dytë me të infektuar, ku deri tani janë prekur 190 839 persona, kanë vdekur 20 002 si dhe janë shëruar 74 797 persona.

Italia ka 172 434 të infektuar, 22 745 të vdekur dhe 42 727 të shëruar.

COVID-19, i shkaktuar nga virusi “Korona”, është përhapur në të paktën 185 shtete dhe rajone në të gjithë botën.