Tashmë është zyrtare. Ismael Bennacer është lojtari më i ri i Milanit. Klubi kuqezi, nëpërmjet një deklarate, ka prezantuar mesfushorin e ardhur nga Empoli.

Algjeriani, që u shpall kampion i Afrikës pak ditë më parë, vjen nga Empoli, pas një sezoni mjaft të mirë, ku u aktivizua në plot 37 takime.

21-vjeçari, që luan para mbrojtjes, ka firmosur një kontratë 5-vjeçare, që e mban lidhur me “Djallin” deri në vitin 2024, ndërsa paga e tij do të jetë 1.5 milionë euro në sezon.