Sergio Conceiçao është trajner i ri i Milanit.

Portugezi do ta zëvendësojë bashkëkombësin e tij, Paulo Fonseca, i cili u shkarkua pas barazimit të mbrëmshëm ndaj Romës dhe pas një sezoni të zbehtë deri tash.

Klubi Kuqezi e ka zyrtarizuar trajnerin e ri, i cili ka nënshkruar kontratë deri më 30 qershor të vitit 2026.

“Rossoneri” i kanë uruar mirëseardhje trajnerit të ri dhe stafit të tij duke shpresuar në një eksperiencë të pasur me suksese dhe me gëzime.

Conceiçao sonte do ta takojë ekipin në Milanello, ndërsa do të takohet edhe me drejtuesit e klubit.

Nesër do ta zhvillojë stërvitjen e parë me ekipin para nisjes drejt Arabisë Saudite për ndeshjet e Superkupës së Italisë.