Manchester City e kompletoi transferimin e Aymeric Laportes nga Athletic Bilbao për 65 milionë euro.

Ekipi i Pep Guardiolës e zyrtarizoi transferimin e mbrojtësit me një postim në rrjetet sociale. City me kënaqësi ka pranuar t’ia paguajë klauzolën e lirimit të lojtarit në vlerë 65 milionë euro, e cila do ta thyente rekordin e transferimeve të klubit prej 62 milionë euro, shumë të cilën City e pagoi për Kevin de Bruyne në vitin 2015.