Eksperienca e futbollistit shqiptar Shkodran Mustafit në Schalke 04 ka zgjatur shumë pak. Në fakt, Mustafi do të largohet nga ekipi gjerman pas vetëm një sezoni.

Përfaqësuesi gjerman u largua verën e kaluar nga Arsenali dhe në Schalke u konsiderua si një përforcim i madh. Mirëpo, ai bëri paraqitje të zbehta, njëjtë si ekipi në përgjithësi, i cili ra nga Bundesliga. Schalke përmes një njoftimit në uebfaqen zyrtare zbuloi se 10 futbollistë dhe tre anëtarë të stadit do të largohen me të përfunduar sezoni aktual.

“Schalke ju uron lojtarëve dhe anëtarëve të stafit më të mirën në jetën e tyre private dhe profesionale në të ardhmen”, ka njoftuar klubi gjerman.