Antonio Rudiger edhe zyrtarisht është futbollisti më i ri i Real Madridit. “Los Blancos” ka njoftuar se ka arritur marrëveshje me mbrojtësin gjerman i cili vije nga Chelsea me parametra zero.

Rudiger ka nënshkruar kontratë katërvjeçare me 14 herë kampionët e Evropës. 29-vjeçari do të prezantohet si lojtar i “mbretërve” më 20 qershor nga ora 12:00.

“Real Madrid CF ka arritur marrëveshje me lojtarin Antonio Rudiger, i cili do të jetë i lidhur me klubin për katër sezonet e ardhshme. Të hënën e ardhshme, më 20 qershor, në orën 12:00 në Real Madrid City do të zhvillohet ceremonia e prezantimit të Antonio Rudiger si lojtar i ri i Real Madridit”, thuhet në njoftimin e Realit.