Shpend Ahmeti është zgjedhur kryetar i Partisë Socialdemokrate të Kosovës (PSD).

Lajmin e ka bërë me dije deputeti Dardan Molliqaj përmes një postimi në llogarinë e vet në “Facebook”.

Nënkryetar i PSD-së është zgjedhur Visar Ymeri, kurse Aida Dërguti sekretare e përgjithshme e kësaj partie.

“Kuvendi i Jashtëzakonshëm i Partisë Socialdemokrate zgjodhi me shumicë votash kryetarin e saj z. Shpend Ahmeti, nënkryetarin z. Visar Ymeri dhe sekretaren e përgjithshme znj. Aida Dërguti. Në këtë mbledhje u zgjodh edhe Këshilli Drejtues i partisë si dhe morëm vendim që PSD të tërhiqet nga koalicioni i lidhur me PAN para zgjedhjeve të fundit parlamentare”, ka shkruar Molliqaj.