Tre zyrtarët e lartë të Postës së Kosovës, Kryesuesi i Bordit të Përkohshëm, z. Mentor Arifaj, U.D. Kryeshefja Ekzekutive, znj. Vjollca Shala-Mulaj dhe U.D. Zëvendës KE, znj. Fakete Kadiu, vizituan muzeun e shkollës së parë shqipe në Kosovë, në fshatin Stubëll të Vitisë.

Delegacionin e ndërmarrjes publike, Posta e Kosovës i mirëpritën, kryetari i fshatit Stubëll, Marjan Ramaj dhe famullitari i kishës, Dom Jeton Thaqi. Këtyre nga Posta iu dhuruan ekzemplarë të kornizuar me pulla postare me imazhin e dedikuar këtij tempulli të parë të diturisë në vendin tonë, që ditë më parë u vu në qarkullim postar.