Të mërkurën është nënshkruar dekreti për heqjen e vizave për shtetasit e Kosovës që kanë pasaporta të Serbisë.

Vendimi është zyrtarizuar në Strasburg, dekreti i cili është nënshkrua nga presidentja e Parlamentit Evropian (PE), Roberta Metsola dhe ministri i Çështjeve Evropiane të Hungarisë, Janos Boka, si përfaqësues i vendit që kryeson Këshillin e BE-së.

Më 22 korrik të këtij viti, Këshilli i BE-së mori vendim për heqjen e vizave për shtetasit e Kosovës që kanë pasaporta të Serbisë, duke i dhënë fund procesit legjislativ për këtë çështje në BE.

Bartësit e këtyre pasaportave nuk ishin përfshirë në liberalizimin e vizave në kohën kur Bashkimi Evropian i hoqi vizat për shtetasit e Serbisë.